Xeberle.com xəbər verir ki, qəza şəhərin Sülh prospektində baş verib. Belə ki, hərəkətdə olan "VAZ 21011” markalı avtomobil yol kənarında dayanmış "Chevrolet” markalı avtomobilə çırpılıb. Qəza nəticəsində "VAZ 21011” markalı avtomobilin sürücüsü 1996-cı il təvəllüdlü Hümbətov Nicat Yaqub oğlu və onun sərnişinləri 1993-cü il təvəllüdlüVəliyev Nahid Muxtar oğlu, 1981-ci il təvəllüdlü Hümbətova Tünzalə Vahab qızı və 2010-u il təvəllüdlü Əliyli Hüseyn Elxan oğlu müxtəlif dərəcəli bədən xəsarətləri alıblar. Qəzaya səbəb avtomobilin sürücüsünün sərxoş vəziyyətdə olması və yüksək sürət göstərilir. Xəsarət alanlar Sumqayıt Təcili Tibbi Yardım Xəstəxanasının Travmatologiya şöbəsinə yerləşdirilib.

Bir müddət yolda tıxac yaranıb. Yol polisinin müdaxiləsindən sonra tıxac aradan qaldırılıb və avtomobillərin hərəkəti bərpa olunub.

Faktla bağlı araşdırma aparılır.