Sumqayıtda şəhəri Nəsimi adına Mədəniyyət və İstirahət parkında yöl çöküb. Şəhidlər xiyabanından şəhər bulvarına gedən yolun kanalizasiya xətti keçən hissəsində qəza baş verib və yolun hərəkət hissəsi 5 metr diametrində çöküb.
Məsələ ilə bağlı Xeberle.com tərəfindən Sumqayıt şəhər Sukanal idarəsi ilə əlaqə saxlanılıb. İdarədən bildirilib ki, baş verən qəza barədə onlara məlumat daxil olmayıb. Lakin dərhal nümayəndə göndərilib və əraziyə baxış keçirilib. İdarədən həmçinin bildirilib ki, ərazi Sumqayıt şəhər Sukanal İdarəsinin əməkdaşları tərəfindən artıq nəzarətə götürülüb, hadisənin baş vermə səbəbləri araşdırılır və qısa müddət ərzində hərəkətin təhlükəsizliyi təmin olunacaq.
Qəzanın aradan qaldırılması üçün əraziyə aidiyyəti qurumun əməkdaşları və texnikası cəlb olunub. Hazırda qəzanın aradan qaldırılması üçün təmir-bərpa işləri aparılır.
Əldə etdiyimiz məlumata əsasən, yolun çökməsi nəticəsində kanalizasiya borusun bir hissəsi zədələnib. Hazırda ərazidə təmir-bərpa işləri aparılır.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
