Yaralıların vəziyyəti ağırdır
Daşkəsən rayonunda baş verən partlayış nəticəsində iki nəfər xəsarət alıb.
Gəncə şəhər Təcili Tibbi Yardım Xəstəxanasından verilən məlumata görə, hadisə rayonun Alünitdağ qəsəbəsində baş verib.
Qəsəbə sakini, 1969-cu il təvəllüdlü Sevil Bayramova hamamda qaz sobasını yandırmaq istəyərkən partlayış olub. S. Bayramova və 2006-cı il təvəllüdlü oğlu Elcan Həsənov yanıq xəsarətləri alaraq Gəncə şəhər Təcili Tibbi Yardım xəstəxanasına yerləşdiriliblər. Xəstəxanadan onların vəziyyətinin ağır olduğu bildirilir. Məlumata görə, partlayış baş verən ev yararsız hala düşüb.
Xəbərdən istifadə edərkən istinad etmək vacibdir.
