Sumqayıtda zavodda qəsdən yanğın törədilib, mühafizəçiyə xəsarət yetirilib.
Xeberle.com-un məlumatına görə, yanğın şəhərin sənaye rayonu sayılan Yəhya
Məmmədov küçəsində Kərimov Qeys Rza oğluna məxsus Ağac emalı zavodunda qeydə
alınıb. Yanğın nəticəsində ümumi sahəsi 2000 kvadratmetr olan laminat sexində 15 kvadratmetr taxta konstruksiyalar
və sahəsi 100 kvadratmetr olan ofis binasında 10 kvadratmetr taxta
konstruksiyalı otaq yanıb. Hadisə yerinə 3 yanğın avtomobili və canlı qüvvə
cəlb olunub. Yanğın yanğınsöndürənlər tərəfindən söndürülüb. Sexin və ofis
binasının qalan sahəsi yanğından mühafizə olunub. Hadisə yerinə baxış keçirilən
zamanı məlum olub ki, yanğın qəsdən törədilib. Belə ki, zavodun mühafizə xidmətinin əməkdaşı Əliyev
İsmayıl Kamal oğluna 3 nəfər hücum
edərək qarın boşluğuna şüşə ilə yüngül xəsarət yetirərək zavod ərazisində qəsdən
yanğın törədiblər.
Xəsarət
alana təcili tibbi yardım tərəfindən yerində ilkin tibbi yardım olunub.
Faktla
bağlı araşdırmalar aparılır.
Tunar Soytürk
Xəbərdən istifadə edərkən istinad etmək vacibdir.
