Sumqayıtda dənizdə batan bir qadın xilas edilib, biri isə boğularaq ölüb.
Xeberle.com xəbər verir ki, hadisə şəhərin Sahil küçəsində "Diana" istirahət mərkəzinin çimərlik ərazisində qeydə alınıb. Belə ki, iki nəfər qadın dənizdə boğulmağa başlayıb. Bu zaman ərazidə xidmət aparan Sumqayıt Yanğından Mühafizə Xidmətinin əməkdaşı 1985-ci il təvəllüdlü Xəlilov Asif Əlişir oğlu və 1986-cı il təvəllüdlü Məmmədli Çingiz Qədir oğlu batan qadınları xilas etməyə çalışıblar. Amma onlar da batmağa başlayıblar. Ərazidə olan insanların və Xüsusi Riskli Xilasetmə Xidmətinin əməkdaşları tərəfindən batan şəxslər xilas edilsə də 1977-ci il təvəllüdlü Musayeva Aygün Məmməd qızının boğularaq dünyasını dəyişdiyi məlum olub. Digər şəxslər - 1990-cu il təvəllüdlü Qurbanova Aygün Nadir qızı, 1985-ci il təvəllüdlü Xəlilov Asif Əlişir oğlu və 1986-cı il təvəllüdlü Məmmədli Çingiz Qədir oğlu Sumqayıt Təcili Tibbi Yardım Xəstəxanasına yerləşdiriliblər.
Faktla bağlı araşdırma aparılır.
Xəbərdən istifadə edərkən istinad etmək vacibdir.
