Sumqayıtda xəsarətlə nəticələnən yol-nəqliyyat hadisəsi baş verib.
Xeberle.com xəbər verir ki, qəza şəhərin Nizami küçəsi ilə Mehdi Hüseynzadə küçələrinin kəsişməsində qeydə alınıb. Belə ki, Nizami küçəsi ilə hərəkət edən yük maşını işıqforun qırmızı işığından keçərək Mehdi Hüseynzadə küçəsindən gələn "Nissan” markalı minik avtomobili ilə toqquşub. Zərbənin gücündən yük maşını aşıb, minik avtomobili isə işıqfora çırpılıb.
Qəza nəticəsində minik avtomobilinin sürücüsü xəsarət alıb və o xəstəxanaya yerləşdirilib.
Faktla bağlı araşdırma aparılır.
Xəbərdən istifadə edərkən istinad etmək vacibdir.
