Dekabrın 1-nə qədər Laçın rayonunu Azərbaycana təhvil verməli olan ermənilər öz xain əməllərini davam etdirirlər.
Xeberle.com xəbər verir ki, bölgədə olan "Daily Storm” agentliyinin
müxbirlərinin məlumatına görə, Laçının Kareqax kəndinin sakinləri oranı
tərk edərkən özləri ilə paltarlarını, digər əşyalarını, eləcə də
elektrik naqillərini götürür, evlərə isə od vururlar.
Bildirilib ki, kəndin ətrafında aclıqdan ölmək ehtimalı olan bir çox
narahat və ac heyvanlar var. Qeyri-müəyyənliyə baxmayaraq, bəzi
mağazalar fəaliyyətini davam etdirir.
Qeyd edək ki, Laçında da qanunsuz yollarla ermənilər məskunlaşıb. Bu isə Cenevrə Konvensiyasına görə hərbi cinayət sayılır.
Xatırladaq ki, analoji hadisələr Kəlbəcər və Ağdamda da yaşanıb.
Xəbərdən istifadə edərkən istinad etmək vacibdir.
