Liviya milli ordusunun qüvvələri ölkənin sahillərində Yamayka bayrağı altında üzən Türkiyəyə məxsus gəmini saxlayıblar.
Xeberle.com-un "Sinxua"ya istinadən verdiyi məlumata görə, bunu Liviya milli ordusunun rəsmi nümayəndəsi general-mayor Əhməd əl-Mismari deyib. Onun sözlərinə görə, Türkiyəyə məxsus "Mabrouka" adlı ticarət gəmisi Misrata şəhərinin limanına doğru üzürmüş, lakin Derna yaxınlığında saxlanılıb.
Ə. əl-Mismari qeyd edib ki, gəminin göyərtəsində 17 nəfər olub. Onlardan 9-u Türkiyə vətəndaşı, 7-si Hindistan vətəndaşı, 1-i isə Azərbaycan vətəndaşıdır.
Xəbərdən istifadə edərkən istinad etmək vacibdir.
