Sumqayıt icra hakimiyyətinin keçmiş şöbə müdiri vəfat edib.
Xeberle.com-un məlumatına görə, Azərbaycan Liberal Partiyasının (ALP) İcraiyyə Kimitəsinin sədri Elman Məmmədzadə qəflətən dünyasını dəyişib.
Sumqayıt şəhərində anadan olan Elman Məmmədzadə 13 nömrəli orta məktəbi bitirib. Ali təhsilini Azərbaycan Neft və Kimya İnstitutunda (hazırda Azərbaycan Dövlət Neft və Sənaye Univeristeti) alıb. Əmək fəaliyyətinə Sumqayıt şəhərində başlayıb. Sumqayıt Alminum zavodunda işə fəhləliklə başlayan E. Məmmədzadə Kadrlar şöbəsinin müdiri vəzifəsinə kimi yüksəlib. Sonralar Sumqayıt şəhər İcraiyyə Komitəsində Ümumi şöbənini müdiri vəzifəsində çalışıb.
Azərbaycan Liberal Partiyasının ilk dövründə Elman
Məmmədzadə onun sıralarına qatılıb, 1996-98-ci illərdə Sumqayıt şəhər
şöbəsinin sədri, 1998-99-cu illərdə ALP İcraiyyə Komitəsinin sədr
müavini, 1999-2007-ci illərdə partiyanın sədr müavini vəzifəsində
çalışıb. 2007-ci ildən partiyanın İcraiyyə Komitəsinin sədridir. ALP-nin
mərkəzi seçki qərargahının rəhbəri olub.
Xəbərdən istifadə edərkən istinad etmək vacibdir.
