Eskalator sındırıldı.
Bu gün Bakı Metropoliteninin "Elmlər Akademiyası” stansiyasında sərnişinlər arasında dava düşüb.
"Bakı Metropoliteni” QSC-nin Mətbuat katibi və ictimaiyyətlə əlaqələr şöbəsinin rəhbəri Nəsimi Paşayev bildirib ki, eskalatorla hərəkət edən sərnişinlər arasında dava düşüb .
Dava nəticəsində eskalatorun kənarındakı plafonlardan 4-ü sınıb:
"Bununla əlaqədar eskalatorun hərəkəti müvəqqəti dayandırılmışdı. Hadisə baş verən kimi eskalatorun hərəkəti dayandırılıb 11 dəqiqədən sonra isə baş verib, bərpa edilib. Hazırda hadisənin baş vermə səbəbi polislər tərəfindən araşdırılır. Sərnişinlərin metroya giriş və çıxışına məhdudiyyət qoyulmayıb”.
Nəsimi Paşayev bildirib ki, dava edənlər hadisə yerindən qaçıblar. Hazırda polis müşahidə kameralarının qeydə aldığı görüntülər vasitəsilə onları axtarır. (oxu.az)
Xəbərdən istifadə edərkən istinad etmək vacibdir.
