Hindistanda bir ata, 10 yaşlı qızını diri-diri torpağa basdırarkən yaxalanıb. Qız xilas edilib, ata isə həbs olunub. Dünyanı dəhşətə salan bu hadisə atanın qızına qarşı qəddarlığını ortaya qoyub. Belə ki, ata, uşağının qız olmasına daha çox dözə bilmədiyini deyib, onu evinin arxasındakı bağçada diri-diri basdırmağa aparıb.
Uşağın ağzını və əllərini kəndirlə bağlayan ata, həyat yoldaşının evdə olmamasından istifadə edərək, qızı qazdığı qəbirdə diri-diri qoyub, üstünü torpaqla basdıranda qonşular bundan duyuq düşüblər. Qonşular uşağın köməyinə çatıb onu xilas ediblər. Cinayətkar ata isə bu hərəkətinə görə qanun qarşısında cavab verməli olacaq. (analitik.az)
Xəbərdən istifadə edərkən istinad etmək vacibdir.
