Bu gün səhər saatlarında Sumqayıt şəhərinin bəzi hissələrini qara tüstü bürüyüb.
Xeberle.com-un məlumatına görə, tüstünün mənbəyi "Azərkimya" İstehsalat Birliyinin Etilen-Polietilen zavodudur. Həmin zavodun havaya buraxdığı tüstü sakinləri narahat edir.
Məsələ ilə bağlı Birliyin mətbuat katibi Rafiq Bayramovla əlaqə saxladıq. Mətbuat katibi hazırda məzuniyyətdə olduğunu və suallarımizi cavablandira bilməyəcəyini bildirdi.
Xatırladaq ki, Etilen-Polietilen zavodunda modernizasiya işləri aparılır. Ötən il baş verən analoji hadisə zamanı bildirilmişdi ki, yeni avadanlıqlar quraşdırıldığı üçün texnoloji proses olaraq belə tüstülər havaya buraxılacaq, əks halda zavodda partlayışlar ola bilər. Bu tərkibi təmizlənmiş tüstüdür və havaya buraxılan zaman heç bir zərərli maddə yaranmır. Təmir, quraşdırma işlərii tam sona çatdıqdan sonra heç bir tüstülənmə olmayacaq.
Xədicə Səxavətqızı
Xəbərdən istifadə edərkən istinad etmək vacibdir.
