Sumqayıt Şəhər Polis İdarəsinin 2-ci polis bölməsinə Hacı Zeynalabdin qəsəbəsi ərazisində yerləşən "Sumqayıt Superfosfat” zavodunun ərazisindən 200 kiloqram çəkidə metal qırıntılarının oğurlanması barədə məlumat daxil olub.
Daxili İşlər Nazirliyinin mətbuat xidmətindən Xeberle.com-a bildirilib ki, oğurluq əməlini törətməkdə şübhəli bilinən şəhər sakini A.Həsənov, Abşeron rayon sakinləri T.Mikayılov və C.Əhmədov polis əməkdaşlarının keçirdikləri əməliyyat-axtarış tədbirləri nəticəsində müəyyənləşdirilərək saxlanılıblar.
Faktla bağlı rayon polis idarəsi tərəfindən təhqiqat davam edir.
Xəbərdən istifadə edərkən istinad etmək vacibdir.
