Sumqayıtda koronavirus xəstəsi ictimai yerdə aşkarlanıb.
Xeberle.com xəbər verir ki, şəhərin Hacı Zeynalabdin qəsəbəsində koronavirus xəstəsinin yaşadığı ünvanı tərk etdiyi məlum olub. Belə ki, qəsəbə sakini 1987-ci il təvəllüdlü Oktay Məmmədov 50 DA 452 dövlət nömrə nişanlı "Nissan X-Trail" markalı avtomobillə qəsəbə ərazisində hərəkətdə olarkən saxlanılıb. Sumqayıt şəhər Polis İdarəsinin 2-ci polis bölməsinin əməkdaşlarının apardığı yoxlama zamanı 34 yaşlı O. Məmmədovun aktiv koronavirus xəstəsi olduğu müəyyən edilib.
Polis əməkdaşları tərəfindən əraziyə tibbi briqada dəvət olunub və həmin şəxs yaşadığı ünvana geri qaytarılıb.
Faktla bağlı Sumqayıt şəhər Polis İdarəsində araşdırma aparılır.
Xəbərdən istifadə edərkən istinad etmək vacibdir.
