Sumqayıtda yaşadığı yeri tərk edən COVID-19 xəstəsi saxlanılıb.
Xeberle.com-un məlumatına görə, Sumqayıt şəhəri 4-cü mikrorayon sakini, 1982-ci il təvəllüdlü Elyanora Muradəliyevaya COVID-19 infeksiyası testinin pozitiv nəticəsinə görə ev şəraitində müalicə təyin edilib.
Lakin adı çəkilən qadın təyin edilən qaydalara baxmayaraq, yaşayış yerini tərk edib. Polis əməkdaşları tərəfindən əraziyə tibbi briqada dəvət olunub və həmin şəxs yaşadığı ünvana geri qaytarılıb.
Faktla bağlı Sumqayıt şəhər Polis İdarəsinin İstintaq şöbəsində cinayət işi başlanıb.
Özünütəcrid qaydalarını pozan koronavirus daşıyıcıları barəsində polis orqanları tərəfindən bundan sonra da ciddi tədbirlər görüləcək.
Xəbərdən istifadə edərkən istinad etmək vacibdir.
