Sumqayıtda ölümlə nəticələnən yol-nəqliyyat hadisəsi baş verib.
Xeberle.com - un məlumatına görə, qəza axşam saatlarında şəhərin Zülfi Hacıyev küçəsində qeydə alınıb. Belə ki, yolu keçmək istəyən orta yaşlarında bir qadını "Mercedes" markalı avtomobil vurub. Ağır bədən xəsarətləri alan piyada ölüb. Hadisəni törədən sürücü saxlanılıb, avtomobil isə duracağa yerləşdirilib. Mərhumun meyiti müayinə olunmaq üçün aidiyyatı üzrə təhvil verilib. Ölən piyadanın şəxsiyyəti məlum deyil.
Faktla bağlı araşdırma aparılır.
Xəbərdən istifadə edərkən istinad etmək vacibdir.
