Sumqayıt bulvarının ərazisi
şimala doğru 1 kilometr uzadılır.
Xeberle.com-un məlumatına
görə, hazırda 106 hektar olan bulvarın ərazisi daha 32 hektar genişləndirilir.
Ərazidə uşaqların mənalı
istirahətini təmin etmək məqsədilə uşaq əyləncə mərkəzlərinin, fəvvarənin, müxtəlif
attraksionların quraşdırılması nəzərdə tutulub.
Yeni ərazidə
restoranlar tikiləcək, çimərlik zonası salınacaq, 292 ədəd istirahət otaqlarının
da inşa edilməsi planlaşdırılır.
Bununla yanaşı genişləndirilən
ərazidə 40 min kvadratmetr gəzinti zolağı, 16 metr enində yol və yaşıllıq zolağı
salınacaq. Bu yol Səməd Vurğun küçəsinə birləşdiriləcək.
Bulvarın ərazisi
genişləndirilən ikinci hissəsi bu ilin noyabr
ayında əhalinin istifadəsinə veriləcək.
Xatırladaq ki, ümumi
sahəsi 106 hektar, uzunluğu 4,2 kilometr olan Sumqayıt bulvarı 2016-cı ildə salınıb.
Qeyd edək ki, Sumqayıt
Bulvarı 2017-ci ildə İspaniyada "Global Trade Leaders” klubunun
"Keyfiyyətə görə Beynəlxalq Avropa” və
"Beynəlxalq üstünlük və liderlk”
mükafatlarına layiq görülüb.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
