Sumqayıtda yolda aparılan təmir işləri qəzaya səbəb olub.
Xeberle.com-un məlumatına görə, hadisə ötən axşam şəhərin əsas giriş hissəsində Sülh prospektində qeydə alınıb. Belə ki, yolda aparılan təmir işləri səbəbindən Sumqayıt istiqamətinə gələn "Toyota" markalı avtomobil əks istiqamətdə olan yolla hərəkət etməli olub. Bu zaman qarşıdan gələn "Mercedes" markalı avtomobili ilə toqquşma baş verib. Qəza nəticəsində ""Mercedes" markalı avtomobilin sərnişini xəsarət alıb. Yaralıya təcili tibbi yardım avtomobilində yardım göstərilib.
Faktla bağlı araşdırma aparılır.
Xəbərdən istifadə edərkən istinad etmək vacibdir.
