Sumqayıtda 100-ə yaxın məcburi köçkün ailəsinin yaşadığı pansionat ərazisində otluq sahədə güclü yanğın olub.
Sahil küçəsində dənizkənarına yaxın ərazidə baş verən hadisə zamanı təqribən 1000 kvadratmetr ərazi yanıb. Bununla yanaşı ərazidə iki ədəd avtomobil də yanaraq kül olub. Hadisə yerinə FHN-nin Dövlət Yanğından Mühafizə İdarəsinin bir neçə briqadası və Sumqayıt şəhər Polis İdarəsinin əməkdaşları cəlb edilib. Hadisə zamanı mənzildə köməksiz vəziyyətdə qalan və tüstüdən zəhərlənən bir yaşlı qadını Sumqayıt şəhər Polis İdarəsinin əməkdaşları xilas edərək aidiyyəti üzrə təhvil veriblər. Yanğın zamanı ölən olmayıb.
Hazırda fakt üzrə araşdırma aparılır.
Xəbərdən istifadə edərkən istinad etmək vacibdir.
