Sumqayıtlı jurnalist, "Культура+" onlayn TV-nin əməkdaşı Aida Eyvazlıya böyük itki üz verib. Jurnalistin anası Roza xanım dünən axşam saatlarında ömrünün 82-ci baharında uzun sürən xəstəlikdən sonra dünyasını dəyişib. Mərhumun 3 mərasimi martın 10-u - çərşənbə axşamı Sumqayıtda keçiriləcək.

Aida Eyvazlının anasına ölümündən dəqiqələr əvvəl həsr etdiyi şeirini təqdim edirik: 

Anamın əlinin istisi gedir,
Gedir əllərimdən... Anam yol üstə...
Karvanı ağrıdır, ağırdır yükü,
Ağrısı yüklənib köksünün üstə...
Anam yol üstədir, anam yol üstə...
Keşiyin çəkirəm, nazın çəkirəm,
Əlin tumarlayıb, üzün öpürəm,
Neylim, ağrısını çəkə bilmirəm?!
Nə qədər "Ay Allah, kömək ol" deyim?!

Aida Eyvazlı HÜRUFİ
02:05 2015. Sumqayıt.

Xeberle.com Aida xanıma anasının vəfatından kədərləndiyini bildirir və dərin hüznlə başsağlığı verir. Allah rəhmət eləsin!