Ermənistanda müddətli həqiqi hərbi xidmət qulluqçusu Misak Petrosyanı öldürən hərbçi yoldaşı həbs edilib.
Xeberle.com erməni KİV-ə istinadən xəbər verir ki, bu barədə Ermənistanda İstintaq Komitəsinin mətbuat xidməti məlumat yayıb.
Bildirilir ki, oktaybrın 29-da hərbçi yoldaşının açdığı atəş nəticəsində Ermənistan Müdafiə Nazirliyinin N saylı hərbi hissəsinin çağırışçı əsgəri Misak Petrosyan güllə yarası alıb.
Ermənistanda İstintaq Komitəsinin Baş Hərbi İstintaq İdarəsinin Doqquzuncu Qarnizon İstintaq İdarəsində ehtiyatda olan hərbçinin əsgər yoldaşının öldürülməsi faktı üzrə başlanmış cinayət işi üzrə ibtidai istintaq davam edir. Əldə edilmiş kifayət qədər sübutlar birləşdirilərək ehtiyatda olan sıravi barəsində həbs qətimkan tədbiri seçilib.
Xəbərdən istifadə edərkən istinad etmək vacibdir.
