Rusiyanın "Beynəlxalq İnkişaf Bankı” adlı kommersiya bankının sahibi Boris Davletyarov Azərbaycan Beynəlxalq Bankına 5 milyon dollar "atıb”.

Bu barədə mosmonitor.ru portalında dərc edilmiş məqalədə bildirilir.

Bir gün əvvəl-martın 17-də Rusiya hüquq-mühafizə orqanlarının əməkdaşları "Beynəlxalq İnkişaf Bankı”nın ofisində axtarış aparıblar və sənədləri götürüblər. Bu axtarış bankirin müştərilərin pullarını kredit adı altında öz şəxsi bank hesablarına köçürməsinə və mənimsəməsinə dair aparılan təhqiqat çərçivəsində baş tutub.

Bankir Davletyarov 2014-cü ilin dekabrında Monte-Karloda özünə dəbdəbəli yubiley keçirib və 50 illiyini böyük təntənə ilə qeyd edib. Keçmiş stamatoloq olan Davletyarov əmanətçilərin pullarını mənimsəməkdə ittiham olunur. Dəbdəbəli həyat tərzi keçirən, "Maybach”da gəzən, ukraynalı arvadə İrina Poltorakı ən məşhur brendlərlə geyindirən və pulları sağa-sola səpən Davletyarovun 2009-cu ildən bu yana sahibi olduğu bankdan 2 milyard rubl oğurladığı bildirilir. O, pulları birgünlük firmaların adına açılmış xarii bank hesablarına kredit adı altında köçürüb və mənimsəyib.

Həmçinin Davletyarova məxsus olan tikinti şirkəti dövlət sifarişi ilə həyata keçirilən tikinti layihələri üçün aldığı büdcə vəsaitlərini eyni sxemlə mənimsəyib.

Bildirilir ki, Davletyarovun bu cür fırıldaqlarını biləndən sonra Rusiya bankları onunla əməkdaşlığı kəsib, nəticədə bankir xaricdən yeni tərəfdaşlar axtarmağa başlayıb.

Davletyarov Azərbaycan Beynəlxalq Bankından olan bankirlərlə qlamur tusovkalarda yaratdığı əlaqələrdən istifadə edərək bu bankdan banklararası kredit formasında 5 milyon dollar alıb.

Portal yazır ki, Bakıdan olan oğlanlar Davletyarovun əvvəlcədən bu pulu qaytarmaq niyyətində olmadığını bilmirdilər. Bankir Azərbaycan Beynəlxalq Bankından aldığı 5 milyon dolları dərhal öz şəxsi bank hesablarına köçürüb. İndi hüquq-mühafizə orqanları Davletyarovun şübhəli fəaliyyətlərini araşdırır və onun fırıldaqlarının izinə düşüb.  (Virtualaz.org)