Baş Narkotiklərlə Mübarizə İdarəsinin əməkdaşları əməliyyat tədbirləri keçiriblər. Xeberle.com Daxili İşlər Nazirliyinin mətbuat xidmətinə istinadən xəbər verir ki, keçirilən əməliyyatlar zamanı Sumqayıt şəhəri və Yevlax rayonunda narkotiklərin satışını həyata keçirən Tural Hüseynov və Saday Səttarov saxlanılıblar. Bu şəxslərdən ümumilikdə 23 kiloqram müxtəlif xassəli narkotik və həblər aşkar olunub.
Aparılan zəruri istintaq və əməliyyat tədbirləri nəticəsində saxlanılan şəxslərin ölkə ərazisində narkotiklərin əsas tədarükçülərindən olduqları sübuta yetirilib.
Faktlarla bağlı cinayət işləri başlanılıb. Saxlanılan şəxslər barəsində həbs qətimkan tədbiri seçilib.
Xəbərdən istifadə edərkən istinad etmək vacibdir.
