Rusiya sülhməramlılarının müvəqqəti yerləşdirildiyi Azərbaycanın Qarabağ iqtisadi zonasının Xocavənd rayonu istiqamətində qanunsuz erməni silahlı dəstəsinin postlarından birində mina partlayışı baş verib.
Hadisə dekabrın 18-də günorta saatlarında baş verib. Partlayış nəticəsində qanunsuz dəstənin iki üzvü ağır yaralanıb. Yaralılar Xocavənddəki mülki xəstəxanaya yerləşdirilib.
Məlumatda, həmçinin qeyd olunub ki, dəstənin Samvel adlı üzvü üz nahiyəsindən çoxsaylı qəlpə yarası alıb və bir ayağı amputasıya edilib. Qanunsuz erməni silahlı dəstəsinin vəziyyəti ağır qiymətləndirilən digər üzvü isə baş və diz nahiyələrindən çoxlu qəlpə yarası alıb.
Xəbərdən istifadə edərkən istinad etmək vacibdir.
