Azərbaycan şahmatçısı Şəhriyar Məmmədyarov Norveçin Stavanger şəhərində təşkil olunan "Norway Chess” turnirində bu gün növbəti oyununu keçirəcək.
Xəbərlə.com xəbər verir ki, 38 yaşlı qrosmeyster VIII turda yerli Maqnus Karlsenlə üz-üzə gələcək.
Məmmədyarov VII turda armageddonda ABŞ təmsilçisi Hikaru Nakamuraya yenilib. O, hazırda doqquz xalla səkkizinci pillədə qərarlaşıb. Karlsen isə yeddincidir.
"Norway Chess” iyunun 9-da başa çatacaq. Reqlamentə əsasən, birbaşa qələbəyə görə üç xal verilir. Heç-heçə olacağı təqdirdə rəqiblər armageddonda qarşılaşırlar. Bu halda qalib 1,5, məğlub olan tərəf isə 1 xal əldə edir.
Xəbərdən istifadə edərkən istinad etmək vacibdir.
