Türkiyənin Ərzurum şəhərində təlim-məşq toplanışını davam etdirən "Sumqayıt” daha bir legioneri "rənglərinə bağlamağa” yaxındır.
Sport24.az-ın əldə etdiyi məlumata görə, "kimyaçılar” israilli yarımmüdafiəçi Roy Kahatla ortaq məxrəcə gəliblər.
31 yaşlı orta sahə oyunçusu bu gün tibbi müayinədən sağlam çıxacağı halda onunla bir illik müqavilə imzalanacaq.
Qeyd edək ki, təcrübəli futbolçu karyerası ərzində İsrail klubları ilə yanaşı, 2015/16 mövsümündə Avstriyada legioner həyatı yaşayıb. Onun son klubu isə Kryat Şimoni təmsilçisi "İroni” olub. O bu komandanın heyətində 97 matçda 14 dəfə fərqlənib.
Xəbərdən istifadə edərkən istinad etmək vacibdir.
