Sabah İngiltərə Premyer Liqasında yeni mövsümə start veriləcək. Dünyanın ən baxımlı çempionatına Azərbaycanda böyük maraq var. Ancaq yerli azarkeşlər bu turniri hansı kanaldan izləyəcəklərini bilmirlər. Çünki hələ də heç bir kanal çempionatın yayım hüququnu ala bilməyib.
Məlumata görə, buna səbəb Premyer Liqanın regional yayımçısının yüksək məbləğ tələb etməsidir. Hazırda bir kabel televiziyası və bir telekanal ingilislərlə danışıqlar aparsalar da, maliyyə məsələlərində razılığa gələ bilmirlər. Çünki tələb olunan məbləğ 1-1,5 milyon avro aralığındadır.
Yerli şirkətlər isə ən yaxşı halda bu məbləğin yarısını qarşılamağa hazırdırlar. Hazırda bu istiqamətdə danışıqlar aparılır. Müzakirələr sabaha kimi yekunlaşdırılsa, dünyanın bir nömrəli çempionatını Azərbaycan tamaşaçısı evindən izləmək imkanına sahib olacaq.(publika.az)
Xəbərdən istifadə edərkən istinad etmək vacibdir.
