Azərbaycan yığmasının və Xorvatiyanın "Hayduk" klubunun hücumçusu Ruslan Qurbanov karyerasını Rusiya Premyer Liqasında davam etdirə bilər.
Onunla hazırda "Rostov" klubu yaxından maraqlanır. Kurban Berdıyevin çalışdırdığı bu komanda "Neftçi"yə məxsus olsa da, icarə əsasında Xorvatiyada çıxış edən millimizin forvardını elə bu yay heyətinə qatmaq istəyir. Ruslan 2008/09 mövsümündə "Rostov"un gənclərdən ibarət komandasında çıxış edib.
Qurbanov özü də "Rostov"un onunla maraqlanması xəbərini təsdiq edib:
"Rostov"un mənimlə maraqlandığını bilirəm. Amma bu barədə konkret bir söz deyə bilmərəm. Mövsüm başa çatdıqdan sonra hər şeyi danışmaq və qərar vermək lazımdı. Təbii ki, Rusiya Premyer Liqasında çıxış edən klubun mənimlə maraqlanmasına görə şadam. Özü də vaxtilə "Rostov"da oynadığıma görə, bu, ikiqat sevinclidi. Azərbaycana da elə həmin klubdan gəlmişdim". (anspress.com)
Xəbərdən istifadə edərkən istinad etmək vacibdir.
