Stadionda da əla atmosfer var idi. Giriş də pulsuz olduğu üçün, boş yer yox idi. Xeyli insan oyunu ayaq üstə izləyirdi, görüntülərə baxanlar da bunu görə bilər. Maraqlı olan odur ki, oyunun protokoluna niyə 9300 nəfər yazılıb. Heç olmasa rəsmi tutum olan 9500-ü yazardınız . Tam məsuliyyətimlə deyirəm ki, bu gün stadionda 10 mindən çox insan var idi və bir daha sübut olundu ki, Sumqayıt futbol şəhəridi, Sumqayıtda futbolu sevirlər, ölkə üzrə oyunlara ən çox azarkeş gələn 2-3 şəhər varsa, biri Sumqayıtdı. Stadionun tutumu ilə bağlı dəfələrlə səsləndirdiyim fikirlər növbəti dəfə təsdiqini tapdı. Qışda 1-2 oyuna 2-3 min azarkeş gəldi deyə, mənim sözlərimə ağız büzənlər də yəqin ki, həqiqəti gördü. Bugünkü qələbədə stadionu dolduran 10 min azarkeşin də böyük təsiri oldu. Bunu Samir Abasov da etiraf elədi, Kaxaber Sxadadze də. Təsəvvür edirəm ki, avrokuboklarda nə qədər insan çöldə qalacaq. Bugünkü nəticə tarixi nəticə sayılmaya bilər. Çünki "Sumqayıt" bundan öncə də avrokuboklarda oynayıb, çempionatda da bürünc medal qazanıb. Amma həmin dönəmlərdə bu cür nəfəskəsən sonluq, möhtəşəm atmosfer olmamışdı. Məhz bu atmosfer, 10 minlik tribuna coşqusu bugünkü qələbəni tarixi qələbə səviyyəsinə qaldırdı. "Sumqayıt" avrokuboklara vəsiqə qazanan klublar arasında istər büdcəsinə, istər heyətinə görə ən zəif klubdu. Amma hədsiz istək, motivasiya, döyüş ruhu və şübhəsiz ki, məşqçi işi yekunda avrokuboklara vəsiqəni gətirdi. Məncə, "Sumqayıt" bu vəsiqəni haqq edirdi! Komanda rəhbərliyini, məşqçilər korpusunu, futbolçuları, bütün sumqayıtlıları bu qələbə münasibəti ilə təbrik edirəm! O cümlədən "Zirə" və "Sabah" klublarını, onların azarkeşlərini də təbrik edirəm, bütün klublarımıza avrokuboklarda ölkəmizi layiqincə təmsil etməyi arzulayıram. O ki qaldı "Neftçi"yə...