Elvin Cəfərquliyevin son vaxtlar həm "Qarabağ"ın, həm də milli komandanın heyətində sərgilədiyi oyun ona olan marağı artırıb. "Tottenhem"lə səfər matçından sonra Cəfərquliyevə görə "Qarabağ"ın "qapısını döyüblər".
Sportal.az-ın əldə etdiyi məlumata görə, təklif İtaliyadan gəlib. Klubun adını hələ ki dəqiqləşdirə bilməsək də, Elvin Cəfərquliyevi İtaliya A Seriyası təmsiçisinin heyətinə qatmaq istədiyinə dair məlumat almışıq.
"Qarabağ" artıq Elvin Cəfərquliyevə qiymət də qoyub. Qarşı tərəf 3 milyon avro ödəcəyi halda bu transfer baş tuta bilər. Danışıqlar davam edir. Mövzunu diqqətdə saxlayacağıq və yeni məlumat əldə edən kimi detalları oxucularımızla da bölüşəcəyik.
Xəbərdən istifadə edərkən istinad etmək vacibdir.
