"Əvvəl də demişdim ki, rəhbərliyin qərarından asılı olmayaraq, fikrimi komandadakı işimə yönəldəcəyəm".
Bu sözləri AZƏRTAC-a açıqlamasında "Sumqayıt"la müqavilə müddətini uzadan baş məşqçi Vaqif Cavadov deyib.
O bildirib ki, hər iki tərəfi qane edən şərtlərlə razılıq əldə olunub: "Bundan sonra da hamımızın məqsədi "Sumqayıt"ı yuxarı yerlərə qaldırmaqdır. Uğur qazanmaq üçün əlimdən gələn hər şeyi edəcəyəm. Əsas komandaya gəldiyim gündən rəhbərlik və azarkeşlər mənə dəstək oldular. Məhz onların sayəsində müsbət nəticələr qazandıq".
Xatırladaq ki, "Sumqayıt" Vaqif Cavadovla 2.5 illik yeni müqavilə imzalayıb.
Qeyd edək ki, birinci dövrədə 20 xal toplayan "kimyaçılar" qış fasiləsinə 6-cı pillədə yollanıb.
Xəbərdən istifadə edərkən istinad etmək vacibdir.
