Dünya futbolunun elə ulduzları olub ki, ölkələrində və top qovduqları çempionatlarda oları adları ilə yox, məşhur ləqəbləri ilə taıyıblar.

Bəzi ulduz futbolçuların qəribə ləqəblərini təqdim edirik:

Fabio Kannavaro – İtaliya millisinin və "Yuventus”un sabiq kapitanı. Ləqəbi- "Berlin divarı”. Ləqəb ona müdafiədə etibarlı və keçilməz olduğuna görə verilib. Amma hər bir "Berlin divarı” kimi, Kannavaronun da karyerasının "1990-cı ili” oldu.

Françesko Totti – "Roma” klubunun simvolu olan oyunçuya azarkeşlər "Romanın səkkizinci kralı” ləqəbini veriblər. Futbolçu bütün karyerası boyu bu kluba və bu şəhərə sadiq olub.

Karlos Puyol - İspaniya millisinin və "Barselona”nın əfsanələrindən olan müdafiəçinin ləqəbi "Tarzan” olub. Niyəsini deməyə isə ehtiyac yoxdur. Tarzan meşədə necə məharətli idisə, Puyol da müdafiə xəttində o cür idi.

Tomas Rositski - Çexiya millisinin və "Arsenal”ın əsas oyunçularından olan yarımmüdafiəçinin ləqəbi "Kiçik Motsart”dır. Bu "fəxri ad” ona yarımmüdafiə xəttini orkestr kimi yığaraq yaradıcı futbol göstərməsinə görə verilib. Fərq ondadır ki, o, bir "Motsart” kimi hələ də uğurlu "kosert”lə yadda qalmayıb.

Zlatan İbrahimoviç – ləqəbi "İbrakadabra”. Yəqin ki, foks ustalarından "abra-kadabra” kimi sözlər eşitmisiz. Bu zaman onlar həmin sözü deyərək, əlləri ilə nəsə foks göstərirlər. Futbolsevərlər isə Zlatana həmin ləqəbi ona görə veriblər ki, o, bu foksları ayaqları ilə göstərir.

Xavier Ernandes – ləqəbi "Kiçik noxud”dur. Uşaq vaxtı anası onu belə adlandırırmış. Amma etiraf edək ki, anasının təxmini doğru çıxıb. Çünki, bozbaşda noxud nə qədər dəyərlidirsə, o da Meksika millisi və "Real Madrid”də bir o qədər dəyərlidir.

Kriştiano Ronaldo - uşaq vaxtı ona futbol oynarkən pas ötürməyəndə, yaxud oyuna almayanda hər zaman ağlayarmış. Ona görə də Ronaldoya "Sulu göz” deyərmişlər. İllər ötdü, o, ulduz futbolçuya çevrildi və "sulu gözlər”i "şor gözlər”ə çevrildi.

Cilberto Silva - dünyanın bir çox aparıcı klublarında top qovan braziliyalı dünya çempionunun ləqəbi "Görünməz divar” olub. Bu ləqəb ona qəfildən peyda olaraq, rəqibin hücumlarını pozduğuna görə verilib. Cilberto indi də görünməzdir. Amma "divar” kimi yox...
(modern.az)