Bu gün Avropa Liqasının I və II təsnifat mərhələsinin püşkatma mərasimi keçiriləcək.
İsveçrənin Nyon şəhərində baş tutacaq tədbir Bakı vaxtı ilə saat 16:00-da başlayacaq.
Hər üç təmsilçimiz – "İnter”, "Neftçi” və "Qəbələ” I təsnifat mərhələsindən mübarizəyə qoşulacaq. Bu mərhələsinin püşkündə klublar iki səbətə bölünüb. Klublarımızdan "İnter” və "Neftçi” səpələnmişlər səbətində yer alıb ki, bu da onların nisbətən zəif rəqiblərlə qarşılaşacağına şərait yaradacaq. Tarixi ərzində ikinci dəfə Avropa Liqasında çıxış edəcək "Qəbələ" səpələnməmişlər səbətində qərarlaşıb.
Bu isə o deməkdir ki, "qırmızı qaralar" turnirin ilkin təsnifat mərhələsində nisbətən güclü rəqiblə üz-üzə gələcək. İlk oyunlar iyulun 2-də, cavab qarşılaşmaları iyulunda 9-da keçiriləcək. Həmçinin, Çempionlar Liqasının I və II təsnifat mərhələlərinin püşkatma mərasimi keçiriləcək.
Azərbaycan çempionu "Qarabağ”ın II təsnifat mərhələsindəki rəqibi də bu gün məlum olacaq. Ağdam təmsilçisi püşk zamanı səpələnmişlər səbətində yer alacaq ki, bu da tarixində ikinci dəfə ÇL-də iştirak edəcək Qurban Qurbanovun komandasının nisbətən zəif rəqiblə qarşılaşmasına şərait yaradacaq.
Artıq "Qarabağ"ın 5 potensial rəqibi müəyyənləşib. Son Azərbaycan çempionu püşk zamanı məhz bu 5 komandadan biri ilə qarşılaşacaq. Həmin 5 klub bunlardır: "Astana" (Qazaxıstan), "Vardar" (Makedoniya), "Hibernians" (Malta), "Sarayevo" (Bosniya və Herseqovina), "Rudar" (Çernoqoriya)
İlk oyunlar 14-15 iyulda, cavab qarşılaşmaları isə 21-22 iyul tarixlərində keçiriləcək. Digər klublarımzın da 5 potensial rəqib müəyyənləşib:
"İnter"in 5 potensial rəqibi: "Ferencvaroş" (Macarıstan), "Trakai" (Litva), "Vaasa" (Finlandiya), "Kork Siti" (İrlandiya), "Laçi" (Albaniya)
"Neftçi"nin 5 potensial rəqibi: "Çukariçki" (Serbiya), "Qlentoran" (Şimali İrlandiya), "Mladost" (Monteneqro), "Kollec" (İrlandiya), "Partizan" (Albaniya)
"Qəbələ"nin 5 potensial rəqibi: "Vest Hem" (İngiltərə), "Dinamo" (Tiflis, Gürcüstan), "Spartak" (Slovakiya), "Valletta" (Malta), "Daçiya" (Moldova)
15:26
Çempionlar Liqasının I və II təsnifat mərhələlərinin püşkatma mərasimi keçirilib.
Artıq Azərbaycan çempionu "Qarabağ”ın II təsnifat mərhələsindəki rəqibi məlum olub. Son Azərbaycan çempionu Monteneqronun "Rudar" klubu ilə qarşılaşacaq. İlk oyunlar 14-15 iyulda, cavab qarşılaşmaları isə 21-22 iyul tarixlərində keçiriləcək.
I təsnifat mərhələsinin cütlükləri
"Linkoln" (Cəbəllürariq) - "Santa Koloma" (Andorra)
"Kruzaders" (Şimali İrlandiya) - "Levadiya" (Estoniya)
"Pünik" (Ermənistan) - "Folqor" (San Marino)
"Torşavn" (Farer adaları) - TNS (Uels)
II təsnifat mərhələsi
"Hibernians" (Malta) - "Makkabi" (Təl-Əviv, İsrail)
APOEL (Kipr) - "Vardar" (Makedoniya)
"Qarabağ" (Azərbaycan) - "Rudar" (Monteneqro)
"Sarayevo" (Bosniya və Herseqovina) - "Lex" (Polşa)
"Maribor" (Sloveniya) - "Astana" (Qazaxıstan)
BATE (Belarus) - "Dandalk" (İrlandiya)
HİK (Finladniya) - "Ventspils" (Latviya)
"Mitdilland" (Danimarka) - "Linkoln" (Cəbəllürariq) / "Santa Koloma" (Andorra)
"Molde" (Norveç) - "Pünik" (Ermənistan) / "Folqor" (San Marino)
"Malmö" (İsveç) - "Jalgiris" (Litva)
"Seltik" (Şotlandiya) - "Styarnan" (İslandiya)
(axar.az)
Xəbərdən istifadə edərkən istinad etmək vacibdir.
