Türkiyəli tanınmış futbolçu Alparslan Öztürk Çindən gələn transfer təklifinə elə cavab verdi ki, çinli futbol rəsmiləri şoka düşüb. Öztürk transfer təklifini qəbul etdiyini, amma gəlirinin 10%-ni uyğur türklərinə bağışlayacağını deyib.
Məlumata görə, Çinin futbol komandasının əməkdaşları əvvəl Öztürkün meneceri ilə görüşüblər. Menecerdən müsbət cavab alan əməkdaşlar daha sonra futbolçunun özü ilə görüşüblər. Alparslan Öztürkün uyğur türkləri barədə istəyi çinliləri şoka salıb və onlar transfer fikirindən daşındıqlarını deyiblər. Onlar həmçinin bu bardə klubun prezidentinə heç nə deməyəcəklərini, çünki belə bir açıqlamanın Çində böyük etirazla qarşılanacağını bildiriblər. Alparslanın reaksiyası isə, sadəcə "özünüz bilərsiniz” olub.
Baş verənləri sosial şəbəkədəki səhifəsində doğrulayan Alparslan Öztürk, Allah Şərqi Türküstanlılara yardım etsin deyib:
"Olsun, istəməsinlər. Biz hər yerdə çörək qazanarıq. Şərqi Türküstanda insanlar yeməyə çörək tapa bilmir. Allah onlara yardım etsin”.
Xatırladaq ki, 22 yaşlı türk əslli belçikalı futbolçu Alparslan Öztürk Belçikanın "Beerschot AC” və Türkiyənin "Kasımpaşaspor” komandalarında oynayıb. (Anspress.com)
Xəbərdən istifadə edərkən istinad etmək vacibdir.
