Bu gün UEFA Çempionlar Liqasının ikinci təsnifat mərhələsinin cavab qarşılaşması çərçivəsində Monteneqronun "Rudar" klubu ilə Ağdamın "Qarabağ" klubu arasında baş tutacaq matçın yayımı sual altındadır.
Bu barədə İdman Azərbaycan TV-nin aparıcısı İsmayıl Abdullayev öz şəxsi Facebook səhifəsində məlumat verib:
""Rudar" - "Qarabağ" matçı "İdman Azərbaycan" və ya AzTV vasitəsiylə birbaşa olaraq yayımlanmaya bilər. Təbii ki, bu hələ ehtimaldır. Amma bunun günahkarı biz deyilik. Əgər əvvəldən yayım hüququ bizə verilsəydi, belə problem olmazdı ve oyunun anonsu da bir neçə gün əvvəldən efirə gedərdi. Yenə də ümid edək ki, Çempionlar Liqasındakı yeganə təmsilçimiz olan "Qarabağ” matçına qədər çatışmazlığı aradan qaldıracağıq və hər birimiz görüşü izləyə biləcəyik!".
Qeyd edək ki, qarşılaşma bu gün Bakı vaxtı ilə saat 23:45-də baş tutacaq. Bu komandalar arasındakı ilk matçda hesab açılmamışdı. (anspress.com)
Xəbərdən istifadə edərkən istinad etmək vacibdir.
