İyulun 31-də Sumqayıtdakı Olimpiya İdman Kompleksində üzgüçülük üzrə şəhər birinciliyi start götürüb. Sumqayıtda ilk dəfə keçirilən məhəllə və mikrorayonları təmsil edən yeniyetmə və gənclər arasında yarış şəhər icra hakimiyyətinin təşəbbüsü, Gənclər və İdman Baş İdarəsinin təşkilatçılığı ilə reallaşıb.

Yarışın açılış mərasimində Sumqayıt Şəhər İcra Hakimiyyəti başçısının müavini Elgin Həbibullayev, Gənclər və İdman Baş İdarəsinin rəisi Elşən Baxşəliyev, digər strukturların rəhbərləri və şəhər ictimaiyyətinin nümayəndələri iştirak ediblər.

Dörd gün davam edəcək şəhər birinciliyində gənc idmançılar sərbəst, arxası üstə, Brass, Batterflyay üsulu və estafet yarışında mübarizə aparacaqlar.

Yarışda I-III yerləri tutan idmançılar fəxri fərman, medal və hədiyyələrlə təltif olunacaqlar.