Komanda Sumqayıt futbol məktəbinin yetirməsi olan 2006-cı ildən "Qarabağ”da çıxış edən Fərhad Vəliyevi heyətinə qatıb. Qolkiper "Sumqayıt” ilə birillik müqavilə imzalayıb.

Karyerası ərzində "Qarabağ”dan başqa, "Şahdağ”, "Masallı”, "Neftçi”, "Gənclərbirliyi” və "İnter”in formasını geyinmiş F.Vəliyev 2006-cı ildən indiyədək 32 dəfə Azərbaycan millisinin heyətində meydana çıxıb.

Qeyd edək ki, qapıçı karyerası ərzində "Neftçi” (2003/2004) və "Qarabağ”la (2013/2014, 2014/2015, 2015/2016) ümumilikdə 4 dəfə Azərbaycan çempionu olub. O, həmçinin 5 dəfə də Azərbaycan kubokunu başı üzərinə qaldırıb ("Neftçi” -2001/2002, 2003/2004 / "Qarabağ” 2008/2009, 2014/2015, 2015/2016).