"Təhsil” Respublika İdman Mərkəzinin (RİM) futbol üzrə respublika birinciliyinin final mərhələsi keçirilib.
Təhsil Nazirliyindən bildiriblər ki, yarışın keçirilməsinin əsas məqsədi nazirlik sistemində fəaliyyət göstərən idman məktəblərinin futbol bölmələrinin 13-14 yaşlı perspektivli futbolçularını aşkara çıxarmaq və mərkəzin yığma komandasını formalaşdırmaq olub.
Final mərhələsində zona yarışları üzrə birinci və ikinci yerləri tutmuş 12 komanda yarışıb. Birinci yeri "Təhsil” RİM-in Gəncə filialının komandası tutub. "Vətən” Respublika İxtisaslaşdırılmış Olimpiya Ehtiyatları Uşaq-Gənclər Futbol Məktəbinin komandası ikinci, "Təhsil” RİM-in Sumqayıt filialının komandası isə üçüncü yerə layiq görülüb.

Xəbərdən istifadə edərkən istinad etmək vacibdir.