Bu gün MDB məkanında və regionda ilk dəfə olaraq Bakıda "Bakı Şəhər Halqası” Əməliyyat Şirkətinin təşkilatçılığı ilə "İrimiqyaslı idman yarışlarının keçirilməsinin ev sahibi ölkəyə faydaları-2017” mövzusunda beynəlxalq konfrans öz işinə başlayıb. Xeberle.com SalamNews-a istinadən xəbər verir ki, konfransa dövlət qurumları, biznes və xidmət sahələri ilə məşğul olan şirkətlərin təmsilçiləri, media nümayəndələri iştirak edirlər. Tədbirdə "Formula-1" yarışını təşkil elən Abu-Dabi, Soçi və Bəhreyn Qran-prilərinin yüksək vəzifəli nümayəndələri də iştirak edir. Tədbirdə çıxış edənlər "Formula-1" yarışlarının təşkilatçılığı, bu mühüm turnirin öz ölkələrinə iqtisadi və sosial faydaları barədə məlumat verəcəklər. "Bakı Şəhər Halqası” Əməliyyat Şirkətinin marketinq və kommunikasiya şöbəsinin rəhbəri Nigar Arpadarai konfransla bağlı bildirib ki, bu gün keçirilən beynəlxalq səviyyəli tədbirdə irimiqyaslı yarışların müsbət nəticələri, ortaya çıxa bilən problemlərin həlli və ölkəmizdə biznesin buna hazırlıq vəziyyəti istiqamətlərində müzakirələr aparılacaq.