Azərbaycan Qazaxıstanda keçiriləcək III Beynəlxalq ordu oyunları – 2017-də iştirak edəcək.
Oxu.Az KazTAQ-a istinadən xəbər verir ki, bu barədə Qazaxıstanın Müdafiə Nazirliyinin mətbuat xidmətindən bildiriblər.
Nazirlikdən verilən məlumata görə, Azərbaycandan başqa bu il Qazaxıstan ərazisində keçiriləcək Beynəlxalq ordu oyunlarında ilk dəfə olaraq Özbəkistan, Suriya və Banqladeş iştirak edəcək.
Beynəlxalq ordu oyunları- 2017 bu il iyulun 29-dan avqustun 12-nə qədər beş dövlətin: Rusiya, Azərbaycan, Belarus, Qazaxıstan və Çinin ərazisində keçiriləcək. Yeni beş: "asayiş keşikçisi” – hərbi polis əməkdaşları arasında yarışma, "hərbi ralli” – hərbi avtomobil texnikasında yarışma, "yol patrulu” – hərbi avtomobil müfəttişliyinin heyətləri arasında yarışma, "birlik döyüşçüsü” – MDB hərbçilərinin yarışları və "PUA hesablamaları yarışı” müsabiqələri əlavə ediləcək.
Xəbərdən istifadə edərkən istinad etmək vacibdir.
