Xəbər verdiyimiz kimi, Bakı Ağır Cinayətlər Məhkəməsində mənimsəmədə, vəzifə səlahiyyətlərindən sui-istifadə etməkdə ittiham olunan Bilal Məmmədov 8 il 6, Anar Nağdıyev məhkəmənin hökmü ilə 8 il azadlıqdan məhrum edilərək, məhkəmə zalında həbs ediliblər. (əvvəlki yazının linki: http://xeberle.com/idman/33361-sumqayitli-memurlar-mehkeme-zalinda-hebs-edildiler.html)
Xeberle.com həbs olunan şəxslərin kimliyini araşdırıb. Bilal Məmmədov Sumqayıt idman ictimaiyyətinə o qədər tanış olmasa da, Anar Nağdiyevi idman camiəsi yaxşı tanıyır.
40 yaşlı Anar Nağdıyev Azərbaycan Dövlət Bədən Tərbiyəsi və İdman Akademiyasını bitirib. O, Sumqayıtda uzun müddət idmanın boks növü üzrə müəllim kimi fəaliyyət göstərib, bir sıra uğurları olub. A. Nağdiyev həm də "Əməkdar məşqçi”dir. Bir sıra respublika səviyyəli turnirin baş hakimi, beynəlxalq yarışların isə hakimi olub.O, 1996-2005-ci illər ərzində 1 saylı Uşaq Gənclər İdman Məktəbində baş məşqçi, 2005-2015-ci illərdə isə "Təhsil” Respublika İdman Mərkəzinin Sumqayıt filialında direktor müavini işləyib.

Xəbərdən istifadə edərkən istinad etmək vacibdir.