Milli komandanın oyunları ilə əlaqədar çempionatda yaranmış fasilədən istifadə edən "Sumqayıt" Futbol Klubu yoxlama görüşü keçirib. Komanda "Azersun Arena"da "Qarabağ"la qarşılaşıb. Maraqlı idman mübarizəsi şəraitində keçən qarşılaşmada Samir Abasovun yetirmələri 2:1 hesablı qələbə qazanıb. "Sumqayıt" FK-nın qollarını 10-cu dəqiqədə Amil Yunanov, 19-cu dəqiqədə isə Azər Salahlı rəqib qapısından keçirib. "Qarabağ"da isə Miçel penalti zərbəsindən fərqlənib.

Xəbərdən istifadə edərkən istinad etmək vacibdir.