Sumqayıtda  ilk dəfə olaraq  qarışıq döyüş növləri üzrə Avrasiya çempionatı keçiriləcək.  Çempionat öncəsi yarışda iştirak edəcək idmançıların tibbi yoxlanışı və çəki prosesi baş tutub.
Sonra beynəlxalq turnirə hazırlıq məqsədi ilə təşkilatçılar və iştirakçılar arasında yekun xarakterli görüş keçirilib. Görüşdə təşkilatçılıq, nizam-intizam qaydaları, mühafizə və digər məsələlər barədə müzakirələr aparılıb. Azərbaycan Qarışıq Döyüş Növləri Mərkəzinin prezidenti Sevindik Mehdiyev bildrib ki, Bakının və Sumqayıtın müxtlif idman klublarının idmançıları ilə yanaşı bir sıra ölkələrdən idmançılar da qalib adı uğrunda mübarizə aparacaq.
Sumqayıt Olimpiya İdman Kompleksində baş tutacaq çempionatın əsas məqsədi məşqçilərin, hakimlərin və idmançıların ustalığının beynəlxalq təcrübə ilə zənginləşdirmək, Azərbaycanın Qarışıq Döyüş Növləri sahəsində beynəxalq əlaqələrini inkişaf etdirməkdir. Çempionatda uşaqlar, yeniyetmələr,gənclər və kişilər müxtəlif çəki dərəcələrində mübarizə aparacaqlar.
İki gün davam edəcək beynəlxalq turnirin açılış mərasimi və peşəkar döyüşləri oktyabrın 15-də Sumqayıt Olimpiya İdman Kompleksində olacaq.
Yarışda I-III yerləri tutan idmançılar diplom, medal,kəmər və qiymətli hədiyyələri ilə mükafatlandırılacaq.
Elnarə  Salamova
Xeberle.com

Xəbərdən istifadə edərkən istinad etmək vacibdir.