Sumqayıtda Mix Fight və Oriental döyüş növləri üzrə Avrasiya çempionatı keçirilib.
Qarışıq Döyüş Növlərinin WFBO versiyası qaydalarına uyğun olaraq keçirilən çempionatda uşaqlar, yeniyetmələr,gənclər və kişilər müxtəlif çəki dərəcələrində mübarizə aparıblar.
Avrasiya çempionatında Bakının və Sumqayıtın müxtəlif idman klublarının idmançıları ilə yanaşı bir sıra ölkələrdən idmançılar da qalib adı uğrunda döyüşüb.
İki gün davam edən beynəlxalq turnirdə I-III yerləri tutan idmançılar Dünya Boks Təşkilatının (World Full Boxing Organisation) və Azərbaycan Qarışıq Döyüş Növləri Mərkəzinin diplom, medal,kəmər və qiymətli hədiyyələri ilə mükafatlandırılıb.
Qeyd edək ki, Avrasiya çempionatı Sumqayıtda ilk dəfədir keçirilir.
Xeberle.com informasiya portalı beynəlxalq turnirin informasiya dəstəkçisi olub.
Hicranə İsmayılova
Xeberle.com
Xəbərdən istifadə edərkən istinad etmək vacibdir.
