Bu gün DÇ-2014 çərçivəsində daha üç oyun keçiriləcək

Virtualaz.org saytı xəbər verir ki, G qrupunun ilk oyun günü Hollandiya-İspaniya (5:1) və İtaliya-İngiltərə (2:1) matçları miqyasında daha bir "erkən final" oyunu baş tutacaq. Bu oyunda Almaniya ilə Portuqaliya komandaları qarşılaşacaq. Matçın final fiti Bakı vaxtı ilə saat 21:00-da səslənəcək.

Qeyd edək ki, Almaniya millisi 1986-cı ildən bəri qatıldığı bütün dünya çempionatlarının ilk oyununda qələbə qazanıb. Dünya çempionatlarında oynadığı son 18 qrup oyununda sadəcə 1 dəfə məğlub olub. 13 qələbə qazanıb, 4 dəfə heç-heçə oynayıb.

Böyük intriqa vəd edən matçda komandaların gözlənilən heyətləri belədir:

Almaniya - Manuel Noyer, Benedikt Hovedes, Boatinq, Mats Hummels, Per Mertezaker, Filip Lam, Lukas Podolski, Məsut Özil, Sami Kedira, Tomas Müller, Toni Kros.

Portuqaliya - Rui Patrisio, Bruno Alveş, Fabio Koentrao, Xoao Pereyra, Pepe, Xoao Moutinyo, Migel Veloso, Raul Meyreles, Kristiano Ronaldo, Huqo Almeyda, Silvestr Varela.

Bu qrupun digər oyununda isə ABŞ Qana millisini sınağa çəkəcək. Oyun Bakı vaxtı ilə saat 03:00-da başlayacaq

Gecə saat 00:00-da isə F qrupunun autsayderləri hesab olunan İran və Nigeriya komandaları qarşılacaqlar. Bu qrupun ilk görüşü bu gün Bakı vaxtı ilə saat 03:00-da keçirilib. Həmin oyunda Argentina yığması Bosniya və Herseqovinaya 2:1 hesabı ilə qalib gəlib.