İspaniya nəhəngi "Real Madrid" klubu ulduz futbolçu Kriştianu Ronaldunun klubdan ayrılacağı təqdirdə yerinə braziliyalı Neymarı gətirəcək.
Xeberle.com publika.az-a istinadən xəbər verir ki, bu barədə İspaniyanın "Don Balon" dərgisi məlumat yayımlayıb.
Məlumatda klubun artıq Neymarla transfer görüşlərinə başladığı bildirilib.
Bu il "Barselona" klubundan Fransanın "PSJ" klubuna 222 milyon avro qarşılığında transfer olan Neymar Fransa Liqasındakı mübarizədən razı qalmadığını dəfələrlə göstərib. Transfer olduqdan sonra uruqvaylı futbolçu Kavani ilə dalaşan Neymarın "PSJ" macərasının qısa sürəcəyi bildirilmişdi. Buna görə də ulduz futbolçunun "Real"a transfer olunmaq şansı və istəyi müsbət dəyərləndirilib. Neymarın "Barselona"ya geri qayıtma ehtimalı az olduğuna görə, "Real" klubu özünü daha şanslı hiss edir. Hətta klubun prezidenti Florentino Perez Neymarın atası ilə görüşərək futbolçunu transfer etmək yollarının axtarışına çıxıb.

222 milyon avro qarşılığında "PSJ"-yə transfer edilən dünyanın ən bahalı futbolçusunun "Real"a gedəcəyi təqdirdə nə qədər pul ödənəcəyi hamının marağındadır.

Xəbərdən istifadə edərkən istinad etmək vacibdir.