Çinin Xiang Yang şəhərində kikboksinq üzrə Shulen Feng böyük peşəkar yarışı keçirilib.  “Xeberle.com”-un məlumatına görə, yarışda Azərbaycanı 4 qat dünya çempionu  Pərviz Abdullayev təmsil edib. Keçirilən 8-lik yarışda idmançımız 70 kq çəki üzrə döyüşüb. Çinli idmançı Li Zikai ilə rinqdə görüşən Pərviz Abdullayev döyüşü tam üstünlüklə qələbə ilə başa vurub. Xatırladaq ki, bu idmançımızın 35-ci qələbəsidir.

Azərbaycanlı idmançı yarışa idmançısı olduğu "12 May-Kobra" Kikboks Klubunun dəstəyi ilə qatılıb. Yarışdan öncə Hollandiyaya yola düşən kikboksçumuz orda "Super PRO" klubunda məşqçi Pramotr Denis Krauvelin nəzarəti ilə yarışa hazırlıq məşqləri keçib.

 Qeyd edək ki, Pərviz Abdullayev FHN-nin əməkdaşıdır.