“Sumqayıt” azarkeşləri rəhbərliyin onlara laqeyd münasibətindən narazıdır. Belə ki, “Rəvan”la matçdan sonra Rekord.az əməkdaşına yaxınlaşan bir qrup sumqayıtlı azarkeş narazılığını dilə gətirdi. Onlar bildirdilər ki, neçə müddətdir fanatlara klubun formalarının, şərflərinin paylanacağı deyilsə də hələ də heç bir xəbər yoxdur. Daha doğrusu, atributlar 2 həftədir Sumqayıta gətirilsə də hələ də fanatara paylanmayıb. Bundan başqa, sumqayıtlı azarkeşlər komandalarının rayon oyunlarına aparılmamasından da narazıdılar. Onların sözlərinə görə, digər klubların azarkeşləri bütün səfər oyunlarına yollansa da, onlar yalnız Bakıdakı oyunlara aparılır.

 Narazılıqlardan biri də azarkeşlərin sevimli komandaları üçün hazırladıqları yeni loqonun hələ də rəhbərlik tərəfindən təsdiq olunmamasıdır.

 Hər halda, ümid edirik ki, “Sumqayıt” rəhbərliyi bu yaznı oxuyandan sonra sözügedən problemlərin həllinə çalışacaq. Həqiqətən də “Sumqayıt” ev oyunlarında daimdolu tribunalar önündə oynasa da azarkeşlərin üzərlərində demək olar, atribut gözə dəymir.