Tədbir “Sumqayıt” futbol klubunun təşkilatçılığı ilə baş tutub. Festival çərçivəsində şəhərdə 7-15 yaşlı yeniyetmə futbolçular üçün seleksiya xarakterli təlim-məşq toplanışı təşkil olunub.
Klubun mətbuat xidmətindən AzərTAc-a verilən məlumata görə, Sumqayıt stadionunda yerləşən yeni meydançada keçirilən tədbirdə 150-dən artıq uşaq iştirak edib.
Seleksiya xarakterli toplanışda “Sumqayıt” futbol klubunun idman direktoru Frank Bernhardtdan başqa, əsas komandanın baş məşqçisi Aqil Məmmədov, köməkçiləri və futbolçu heyəti də iştirak edib.
Təlim-məşq toplanışında fərqlənən gənc futbolçular yaxın gələcəkdə “Sumqayıt” futbol klubunun akademiyasına cəlb olunacaqlar.
Xəbərdən istifadə edərkən istinad etmək vacibdir.
