"Tour d'Azerbaidjan-2014" beynəlxalq velosiped yarışmasının 4-cü mərhələsi artıq geridə qalıb.

Trend-in məlumatına görə, Qəbələ-Şamaxı marşrutu ilə hərəkət edən idmançılar Pirqulu rəsədxanası yaxınlığında finiş xəttini keçiblər. Finişi birinci keçən Cənubi Afrika velosipedçisi Qerdeman Linus olub.

Afrikalı idmançıdan iki dəqiqə geridə qalan rusiyalı İlnur Zakari finişə ikinci çatıb və ümumi siyahıda birinci yerə çıxaraq göy köynəyin sahibi olub.

Ukraynalı Buts Vitali isə finişə üçüncü çatıb.